Директорот на КОВЗРГ г-дин Даријан Сотировски упати телеграма со честитки до раководството и верниците на Еврејската верска заедница по повод празникот Рош Хашана.

Директорот на  Комисијата за односи со верските заедници и религиозни групи (КОВЗРГ), г-дин Даријан Сотировски упати телеграма со честитки до Претседателот на Евреската заедница г-дин Пепо Леви, како и до сите припадници на ЕЗРМ, честитајќи им го празникот Рош Хашана.

Дозволете ми  Вам лично, на членовите, раководството и верниците на Еврејската заедница во Македонија, да Ви го честитам почетокот на новата 5783 година според еврејскиот календар.

Во духот на почит кон богатата еврејска традиција и култура на овие простори, нека еврејската нова година-Рош Хашана биде поттик за уште поголемо заедништво и зближување, зајакнување на нашето долговековно пријателство. Ви посакувам љубов и толеранција, спокојство во вашите домови и многу здравје.