„Светот е гладен многу повеќе за љубов, отколку за леб.“ – Мајка Тереза
„Светот е гладен многу повеќе за љубов, отколку за леб.“ – Мајка Тереза
Љубов што лечи, што обединува, што остава трага поголема од секој споменик и секоја книга. Ние, нејзините сограѓани, со гордост го продолжуваме тој аманет.
По тој повод, денес, во Собранието на Република Македонија, свечено беше доделена државната награда за хуманост „Мајка Тереза“– признание кое го носи името на скопјанката кое стана светска совест.
Добитници на наградата за 2025 година се: Борче Стаменов од иницијативата „Донирај компјутер“, човек кој со својата мисија подарува знаење, можност и надеж на многу деца и семејства, и доц. д-р Ирфан Ахмети, чија посветеност на здравјето и човековото достоинство покажа дека здравјето не е профит, туку право што секој човек го заслужува.
На свеченоста присуствуваше и: Директорката на Комисијата за односи со верските заедници и религиозни групи, г-ѓа Оливера Трајковска, заедно со Заменик-министерот за финансии, г-дин Николче Јанкуловски, и Претседателот на Одборот за доделување на наградата, д-р Бехиџудин Шехапи.
Државната награда „Мајка Тереза“ е повеќе од признание – таа е жива порака дека хуманоста и солидарноста се темелот на нашата заедничка иднина. Од Скопје, градот на Мајка Тереза, повторно тргнува пораката: љубовта е таа што ги руши сите граници и гради мостови меѓу луѓето, културите и верата.
Во време кога светот е гладен повеќе за љубов отколку за леб, токму ние сме повикани да го чуваме и да го продолжиме делото на нашата скопјанка, Мајка Тереза.