Директорката на КОВЗРГ, г-ѓа Оливера Трајковска упати телеграма со честитки до управата и верниците на Евангелско-методистичката црква по повод празникот Велигден.

Директорката на Комисијата за односи со верските заедници и религиозни групи (КОВЗРГ) г-ѓа Оливера Трајковска упати телеграма со честитки до Евангелско-методистичката црква, честитајќи им го празникот на Христовото воскресение - Велигден.

ТЕЛЕГРАМА СО ЧЕСТИТКИ

Почитувани,

      Во овие возвишени и најсреќни денови дозволете Вам лично, на Вашето свештенство, како и на сите верници од Евангелско - Методистичката Црква во Република Македонија, да упатиме искрени честитки по повод - ВОСКРЕСЕНИЕТО ХРИСТОВО - ВЕЛИГДЕН.

На празникот ВОСКРЕСЕНИЕ ХРИСТОВО кога ја славиме победата на животот над смртта, светлината над темнината, да се обединиме заедно околу исконската вера и благословот на учењето Христово за чистата љубов кон ближните, мирољубието и правдољубието. Само ако имаме меѓусебна љубов можеме да растеме во вера, да го запазиме единството во Бога и да напредуваме во сите области. Исполнувањето на оваа благородна мисија претставува вистински предизвик за што се надевам и во иднина ќе бележи големи успеси. Само преку љубовта кон ближниот и правењето на добри дела можеме да одиме напред.

Нека Ви е честит овој голем христијански празник и Ви посакувам деновите на Велигден да ги поминете во кругот на Вашите најблиски во радост, спокој и голема Христова љубов. домови со топлина, семејна среќа и хармонија.

ХРИСТОС ВОСКРЕСНА! НАВИСТИНА ВОСКРЕСНА!

                                                                                                            Директор

             Оливера Трајковска