Директорот на КОВЗРГ г-дин Даријан Сотировски упати телеграма со честитки до Настојателствата на манастирите, кои го слават како манастирска слава празникот Успение на Превета Богородица - Голема Богородица.

Директорот на Комисијата за односи со верските заедници и религиозни групи (КОВЗРГ) г. Даријан Сотировски упати телеграма со честитки до Настојателствата на манастирите, кои го слават како манастирска слава празникот Успение на Превета Богородица - Голема Богородица, честитајќи им ја манастирската слава.

 Дозволете во овие празнични мигови кога се соединуваат светоста, сонот, блаженството, мирот, радоста и воскресението во Успението на Пречистата Богородица, честитајќи Ви ја манастирската слава, да ја изразам мојата желба за умножување на духовната радост во Вашата заедница и меѓу Вашите духовни чеда.

Спомнете во Вашите свети молитви за избавување од современите искушенија кои се бреме на светот, завршување на пандемијата и братољубие меѓу народот.