Директорот на КОВЗРГ, г-дин Даријан Сотировски присуствуваше на јубилејното 50 издание на ТЕХО

На ден 24. 06. 2023 година Директорот на Комисијата за односи со верските заедници и религиозни групи (КОВЗРГ), г-дин Даријан Сотировски во Центарот за култура „Иљо Антевски - Смок“ во Тетово по повод јубилејот 50 години ТЕХО присуствуваше на отворањето на овогодинешното издание на фестивалот. 

Тетовските хорски одзиви се манифестација со голема традиција, која го вбројува Тетово во градовите со висока музичка култура и место каде веќе половина век се афирмира и поттикнува хорската музика и се исполнуваат голем број нови хорски песни кои имаат значајно место во неговото творештво.Главна одлика на фестивалот, кој е дел од мрежата на европски фестивали, е што годинава е посветен на 120 годишнината од Илинденското востание.

На ова 50-то издание на хорскиот фестивал „ТЕХО“, на двете фестивалски вечери во Центарот за култура ќе настапат домашни хорови, но и од соседните земји, како и во Соборниот храм Свети Кирил и Методиј на Фестивалот за православна духовна музика.