Директорот на КОВЗРГ г-дин Даријан Сотировски присуствуваше на Божиќната миса во Катедралата „Пресвето Срце Исусово“ во Скопје

На 24. 12. 2019 година, Директорот на Комисијата за односи со верските заедници и религиозни групи (КОВЗРГ), г-дин Даријан Сотировски во пресрет на  големиот празник Раѓање Христово (Божиќ) присуствуваше на  свечената полноќна света Миса, во катедралата „Пресвето Срце Исусово“ во Скопје, која  ја предводеше Скопскиот бискуп и Струмичко-скопски епарх монс. д-р Киро Стојанов во концелебрација со свештеници од Скопска бискупија и Струмичко-скопската епархија.

На мисата присуствуваа  мноштво верници. Радосните празнични мигови со граѓаните од католичка вероисповед, односно со христијански верници кои го прославуваат Божиќ според Грегоријанскиот календар ги сподели и висока државна делегација сочинета од Претседателот на државата Н. Е. Стево Пендаровски со сопругата Елизабета, Претседателот на Владата г-дин Зоран Заев, како и заменик претседателот на Владата задолжен за европски прашања г-дин Бујар Османи, министерот за внатрешни работи г-дин Оливер Спасовски, претставници на културниот и академскиот живот како и претставници на дипломатскиот кор.