Изјава за медиумите на Директорот на КОВЗРГ, г-дин Даријан Сотировски.

Комисијата за односи со верските заедници и религиозни групи (КОВЗРГ) е во постојана соработка со верските заедници, ги слуша нивните ставови и ги споделува нивните грижи. Институциите со голема сериозност пристапуваат на овие прашања. Имено на 2 февруари годинава со одлука на Минисерот за правда, а на наше барање е формирана работна група со претставници на повеќе институции и експерти на која ја разгледуваме од повеќе перспективи постоечката состојба, го анализираме компаративното искуство и меѓународните стандарди со цел подобрување на законскиот текст. Во овој момент е премногу рано да излеземе со информација во однос на предлозите. Добрата легислатива треба да ги гарантира неприкосновените слободи и права на секој граѓанин, да предвиди јасни и прецизни правила и да спречи евентуална злоупотреба.