Промоцијата ќе се одржи на 3 октомври (вторник) во ресторанот „Рагуза 360“, во Катната гаража „Свети Кирил и Методиј“, на ул. Свети Кирил и Методиј, бр. 1/1/6-3 - 1000 Скопје, со почеток во 11 часот.

Ве известуваме дека на ден 03. 10. 2023 година Комисијата за односи со верските заедници и религиозните групи (КОВЗРГ) во соработка со Католичката црква  во  ресторанот „Рагуза 360“ со почеток во 11 часот ќе одржи настан за промоција на книгата „Слава Тебе“.

Книгата Слава тебе (Laudato Si) е енциклика на папата Франциск за грижата за заедничкиот дом, четиво кое во светската јавност се смета за глобален повик за здружена акција за заштита на животната средина, но и многу повеќе од тоа. 

 Книгата на папата Франциск е длабоко четиво, кое навлегува суштински во различни аспекти на причинителите на денешните состојби, но и зборува за новите современи патишта преку кои човекот сам, како и со другите во општествената заедница може да го зачува и трајно заштити својот дом.

Издавач на книгата „Слава тебе“ на македонски јазик е Македонската комисија за односи со верските заедници по одобрение на ватиканскиот Дикастер за комуникации, а во соработка со Скопската бискупија на Католичката црква.