Директорот на КОВЗРГ г-дин Даријан Сотировски присуствуваше на канонизацијата на новоканонизираниот светител, преподобниот Јоаким Крчовски.

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски, на ден 22. 05. 2022 година на покана на надлежниот епархиски архиереј на Кумановско-осоговската епархија при МПЦ-ОА, Неговото високопреосвештенство, Митрополитот кумановско-осоговски г. Григориј присуствуваше на Божествената архиерејска литургија во манастирот „Свети Јоаким Осоговски“ во Крива Паланка, каде беше извршена канонизацијата на преподобниот Јоаким Крчовски

За време на Божествената литургија предводена од Неговото блаженство, Митрополит скопски, Архиепископ охридски и македонски и на Прва Јустинијана, г. г. Стефан пред големиот број верен народ беше обнародена одлуката на Светиот Архиерејски Синод на Македонската Православна Црква – Охридска Архиепископија, со која преподобниот игумен Јоаким Крчовски е вброен во диптихот, односно во  ликот на светителите на Православната Црква.

Споменот на преподобниот Јоаким Крчовски – учител и просветител, ќе се празнува на 23 мај по новиот стил.