Директорот на КОВЗРГ, г-дин Даријан Сотировски присуствуваше на Литургијата предводена од македонските архиереи во храмот „Пресвета Троица“ при Константинополската архиепископија.

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски во рамки на својата работна посета на Р. Турција по повод доделувањето на патријаршискиот и синодален акт на Вселенската патријаршија за примање на Охридската Архиепископија во богослужбено и канонско единство со останатите православни цркви, на ден 13. 06. 2022 година зеде учество и на литургиското богослужение предводено од Архиепископот охридски и македонски г. г. Стефан во сослужение на викарните епископи г. Климент и г. Партениј во храмот „Пресвета Троица“ во Таксим, Истанбул. 

На богослужението молитвено присуствуваше и Неговата сесветост, Архиепископот на Костантинопол - Новиот Рим и Патријарх вселенски г. г. Вартоломеј.