На 26. 12. 2022 година, Директорот на Комисијата за односи со верските заедници и религиозни групи (КОВЗРГ), г-дин Даријан Сотировски присуствуваше на пригодна манифестација со која што беше одбележан 45 годишниот јубилеј од основањето на Православниот богословски факултет „Свети Климент Охридски“ во Скопје, кој е придружна членка на УКИМ. На свечениот настан беа присутни: Неговото Блаженство, Архиепископот Охридски и Македонски г. г. Стефан, ректорот на Универзитетот „Свети Кирил и Методиј“ проф. д-р Никола Јанкуловски и мноштво свештени лица, професори и студенти. Покрај Архиепископот, слово одржа и деканот проф. д-р Ѓоко Ѓорѓевски, кој во името на Факултетот додели Благодарници за особени заслуги за Факултетот.

Благодарница беше доделена и на Директорот Сотировски за склучителен придонес и постојана поддршка на факултетот.

За време на јубилејната манифестација се одржа и свечено доделувањето на дипломите за завршени додипломски и дипломски студии.