Директорот КОВЗРГ г-дин Даријан Сотировски присуствуваше на чинот на мироварение.

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски на ден 19. 04. 2022 година во Соборниот архиепископски храм „Свети Климент Охридски“ присуствуваше на чинот на мироварение, кој по цели 26 години повторно се извршува во МПЦ-ОА. 

Процесот на варење миро започна на Крстопоклоната недела кога беа осветени состојките како и садот во кој од вчера на Велики понеделник започна варењето на мирото. Варењето на мирото се извршува во првите три дена од Страсната седмица, а истото ќе се освети на Велики четврток од страна на македонските архиереи.