На покана на Амбасадата на Соединетите Американски Држави, директорката на Комисијата за односи со верските заедници и религиозни групи (КОВЗРГ), г-ѓа Оливера Трајковска, присуствуваше на свечениот прием по повод одбележувањето на 250-годишнината од независноста на Соединетите Американски Држави, кој се одржа на 1 јули 2026 година во просториите на Амбасадата.

На свеченоста присуствуваа претставници на државниот врв, дипломатскиот кор, меѓународните организации, верските заедници, академската заедница, бизнис-секторот и јавниот живот.

Во своето обраќање, вршителката на должност амбасадор на Соединетите Американски Држави во Република Северна Македонија, Н.Е. г-ѓа Никол Варнс, истакна дека одбележувањето на 250 години од американската независност претставува прослава на слободата, демократијата и трајното пријателство меѓу Соединетите Американски Држави и Република Северна Македонија. Настанот беше збогатен со пригодна културно-уметничка програма и свечен огномет.