Директорот на КОВЗРГ г-дин Даријан Сотировски го посети манастирот „Свети вмч. Георгиј“ во Старо Нагоричане.

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски, на ден 22. 12. 2020 година, заедно со надлежниот епархиски архиереј на Кумановско-осоговската православна епархија, Митрополитот Кумановско-осоговски г. Григориј го посети манастирот „Свети вмч. Георгиј“ во Старо Нагоричане, кој има статус на културен споменик заштитен со закон.

Од страна на Митрополитот г. Григориј, Директорот беше запознаен со историјата на манастирот и со сегашната негова состојба.