Благодатниот оган пристигна во нашата земја

Ја користиме можноста да информираме дека вечерва благодатниот оган, кој се симнува на чудесен начин во Христовиот гроб во Ерусалим стигна на скопскиот аеродром. 

Директорот на Комисијата за односи со верските заедници и религиозни групи (КОВЗРГ), г. Даријан Сотировски го пречека благодатниот оган  и го предаде на свештените лица - преставниците на Македонската православна црква - Охридска архиепископија. Потоа Директорот се упати кон  манастирот „Свети Георгиј Победоносец“ во Криви дол за да го предаде благодатниот оган на Неговото Блаженство Архиепископот Охридски и Македонски и на Јустинијана Прва г.г. Стефан.