КОВЗРГ ја информира јавноста дека денес излезе од печат специјалното монографско издание „Историска посета на Светиот отец - прво македонско добредојде за папата Франциск“.

Комисијата за односи со верските заедници и религиозни групи (КОВЗРГ) ја информира јавноста дека денес излезе од печат специјалното монографско издание „Историска посета на светиот отец - прво македонско добредојде за папата Франциск“ која е приготвена да го овековечи еден од најмаркантните и неповторливи настани кои се случиле во нашата држава, посетата на папата Франциск која се реализираше во 2019 година, која по организациските и безбедносните аспекти, како и по културните и верските значења останува една од најголемите посети на странски државник на нашиот главен град.

 Првиот број Директорот на КОВЗРГ, г-дин Даријан Сотировски му го врачи на Бискупот скопски и Епарх струмичко - скопски монсињор Киро Стојанов, кој заблагодари за укажаната чест и изрази задоволство од создавањето на трајна форма во која се преточени нашите колективни спомени.