Соопштение до медиумите

Комисијата за односи со верските заедници и религиозни групи (КОВЗРГ) повикува на внимателност и воздржаност од граѓаните, како и мудрост во раководењето со институциите од оние кои добиле мандат од граѓаните да градат хармонично мултикултурно општество, кое само по себе не подразбира исклучивост на ниту една култура, туку нивна коегзистенција и почитување на различностите.

Комисијата останува посветена во напорите за одржување на добрите меѓуверски односи, па имајќи ја сензитивноста во предвид апелира политиката и на неа сродните интереси да не се вмешуваат во меѓучовековите односи.

Во однос на изградбата на профани или религиозни објекти, како и поставување на нивни обележја на туристичкиот центар Попова Шапка упатуваме на неселективна и принципиелна поставеност на Општина Тетово.

Со почит,

Комисија за односи со верските заедници и религиозните групи (КОВЗРГ)