Директорот на Комисијата за односи со верските заедници и религиозните групи (КОВЗРГ), г-дин Даријан Сотировски учествува на престижниот Меѓународен самит за религиски слободи во Вашингтон, САД кој ги обединува водечките авторитети од светот кои се залагаат за почитување и заштита на неприкосновените религиски слободи и права, за дијалог, соработка и развој. 

Директорот Сотировски имаше чест да се обрати на пленарната сесија на Самитот каде се осврна на македонскиот модел на односи со црквите и верските заедници, постигнатите резултати на Комисијата и поставените цели, притоа претставувајќи ја поволната состојба, како и големото историско придвижување во македонското црковно прашање, признавањето и влегувањето во канонско единство на МПЦ-ОА со останатите православни цркви, како и конструктивната соработка со Католичката црква, Исламската верска заедница, еврејската заедница и протестантските цркви.

Директорот особено нагласи дека демократскиот свет мора со поголема сериозност да пристапи кон се почестата појава на религиозен радикализам, кој особено навлегува под превезот на гарантираните човекови права и слободи.