Во организација на КОВЗРГ поглаварите на црквите и верските заедници споменати во македонскиот Устав заеднички го посетија археолошкиот локалитет „Стоби“.

На 26.09.2023 година поглаварите на црквите и верските заедници споменати во македонскиот Устав на покана на директорот на Комисијата за односи со верските заедници и религиозни групи (КОВЗРГ) г-дин Даријан Сотировски го посетија археолошкиот локалитет „Стоби“. 

Заедничката посета беше оценета и како одлична можност освен за непосредно запознавање со ова исклучително национално културно богатство и за продлабочување на меѓуверскиот дијалог, но и за испраќање на порака до целокупната јавност дека културното богатство ширум нашата татковина е големо, а секоја голема чест значи и голема одговорност, како за граѓаните за почитување, така и за институциите за негување, одржување и промовирање.