Средба на директорот на КОВЗРГ Сотировски со ректорот на Понтификалниот институт за ориентални студии г-дин Давид Назар

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски оствари средба со ректорот на Понтификалниот институт за ориентални студии г-дин Давид Назар.

Директорот се запозна со работењето на престижниот институт и ја поздрави отвореноста на истиот во минатото и денес за македонските студенти. 

Понатамошното развивање на научните врски, размени и соработки се оцени како фокус од взаемен интерес.

На институтот денес под покровителство на директорот Сотировски ќе биде прикажан документарниот филм ,,1000 години сведок на светлината" од режисерот Илија Каров, снимен во чест на милениумскиот јубилеј на Бигорскиот манастир.