Директорот на КОВЗРГ г-дин Даријан Сотировски оствари средба со новоизбраниот Митрополит г. Григориј

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски оствари средба со новоизбраниот Митрополит г. Григориј (Настески).

Директорот на КОВЗРГ на новоизбраниот Митрополит му го честита изборот за архиереј во МПЦ-ОА и му посака успеси во извршувањето на новата служба.

На средбата од страна на новоизбраниот Митрополит г. Григориј, Директорот беше информиран за тековните подготовки околу хиротонијата и интронизацијата. 

Наречението на новоизбраниот Епископ Сарандопорски ќе се изврши на 25 јули, во манастирот „Св. Јоаким Осоговски“, а хиротонијата  и востоличувањето за Кумановско-осоговски митрополит ќе се изврши на 26 јули 2020 година, на Собор на св. архангел Гаврил, во Соборниот храм „Свети Николај Чудотворец“ во Куманово.