Со суперинтендантот г-дин Wilhelm Nausner од Виена, Австрија, кој е претставник на Евангелско-методистичката црква денес разговаравме за различни прашања од взаемен интерес. Следните месеци методистите имаат значајни европски настани, кои ќе ги одржат токму во Македонија.

На ден 30. 01. 2019 година, директорот на Комисијата за односи со верските заедници и религиозни групи (КОВЗРГ) г. Даријан Сотировски оствари работна средба со суперинтендантот г-дин Вилхем Наусер од Виена, Австрија, кој е претставник на Евангелско-методистичката црква. На средбата се отворија различни прашања од взаемен интерес. Од страна на г-дин Wilhelm Nausner бевме известени за важни и значајни европски настани, кои во блиска иднина ќе се одржат токму во Р. Македонија.