На покана на Архиепископот Охридски и Македонски г.г. Стефан, вчера се одржа свечен традиционален празничен прием по повод именденот на Поглаварот на Македонската православна црква – Охридска архиепископија, на кој присуствуваше директорката на Комисијата за односи со верските заедници и религиозни групи г-ѓа Оливера Трајковска во придружба на својот тим од Комисијата за односи со верските заедници и религиозните групи.

На настанот присуствуваа бројни претставници на државниот и општествениот живот: градоначалници и претставници на локалната самоуправа, министри, поранешни претседатели, академици, професори, претставници на МПЦ-ОА, и високи претставници од државниот врв.

Свечената вечер беше отворена со Молебен канон во чест на светиот архиѓакон и првомаченик Стефан, по што следеше обраќање на архиепископот г.г. Стефан. Во своето слово, поглаварот ја истакна длабоката духовна и општествена важност на Христовото раѓање- Божиќ, како и темелните вредности што ја зацврстуваат верата, заедништвото и идентитетот на македонскиот народ.

Традиционалниот прием уште еднаш ја потврди улогата на Македонската православна црква – Охридска архиепископија како значаен духовен столб за дијалог и единство меѓу Црквата, државните институции и општеството во целина.