На 20 декември 2025 година во просториите на синагогата Бет Јаков, беше одбележан големиот еврејски празник Ханука – празникот на светлината, надежта и духовната истрајност.

Ханука го симболизира триумфот на светлината над темнината, верата над стравот и духовната сила над искушенијата. Празникот потсетува на чудото на светлината што траела осум дена и претставува порака за истрајност, надеж и зачувување на идентитетот и духовните вредности.

Во рамки на одбележувањето, на кое присуствуваше и директорката на Комисијата за односи со верските заедници и религиозни групи г-ѓа Оливера Трајковска, која запали и свеќа на ханукијата. Првата свеќа ја запали градоначалникот на Град Скопје, Орце Ѓоргиевски; како и претседателот на ЕЗРМ, г-дин Пепо Леви, претставници на МПЦ, КЦ и ИВЗ; градоначалникот на Општина Центар Горан Герасимовски и амбасадорката на Сојузна Република Германија, Петра Дрекслер.

Комисијата и натаму останува посветена на унапредување на меѓурелигискиот дијалог, меѓусебното почитување и афирмацијата на верскиот плурализам како темел на едно демократско и мултикултурно општество.