Директорот на КОВЗРГ г. Даријан Сотировски упати телеграма со честитки до Поглаварот и членовите на САС на МПЦ-ОА, како и до свештенството, монаштвото и до сите верниците по повод празникот Рождество Христово – Божиќ

Директорот на Комисијата за односи со верските заедници и религиозни групи (КОВЗРГ) г. Даријан Сотировски упати телеграма со честитки до Архиепископот Охридски и Македонски и на Јустинијана Прва г. г. Стефан, до членовите на Светиот архијерејски синод на Македонската православна црква - Охридска архиепископија, како и до свештенството, монаштвото, до  верници од православна вероисповед  и до сите христијани кои празнуваат по јулијанскиот  календар, честитајќи им го празникот на Христовото раѓање - Божиќ.

„Небо и земја сплотени се сега. Христос се роди, Бог е во тело“

 Дозволете во овие возвишени празнични моменти од името на македонските граѓани и од свое име да Ви ги пренесам искрените честитки по повод Христовото рождество- Божиќ и да Ве поздравам со Христос се роди!

Љубовта како врвна христијанска одлика да ги исполни нашите срца овие празнични денови. Празничната радост да ги сплоти православните христијански народи и да ги поттикне на разбирање, солидарност и соработка.