Директорот на КОВЗРГ г-дин Даријан Сотировски упати телеграма со честитки до раководството и верниците на Еврејската верска заедница по повод празникот Ханука.

Директорот на  Комисијата за односи со верските заедници и религиозни групи (КОВЗРГ), г-дин Даријан Сотировски упати телеграма со честитки до Претседателката на Евреската верска заедница д-р Берта Романо-Николиќ, како и до сите припадници на ЕЗРМ, честитајќи им го празникот Ханука.

Дозволете ми Вам лично и на членовите на Еврејската заедница, од мое лично име и од името на Комисијата за односи со верските заедници и религиозни групи, да Ви го честитам празникот ХАНУКА.

Пораката на Ханука е универзална, а таа е да ги чуваме и негуваме позитивните вредности, реафирмирајќи ја важноста на слободата на човекот и неговите заложби во градењето на подобар свет. Палењето на менората како традиционален обичај на Евреите од целиот свет претставува симбол на радост, светлина и победа над непријателските сили.

Во тој дух на празнична радост, Ви посакувам деновите на Ханука да ги поминете во кругот на Вашите најблиски, во љубов, светлина и здравје.