Директорот на КОВЗРГ г. Даријан Сотировски упати честитка до поглаварот на Исламската верска заедница Реис Ул Улема хаџи Сулејман ефенди Реџепи, до членовите на Ријасетот, до муфтиите и имамите и до сите граѓани кои ја празнуваат Новата Хиџретска година.

Директорот на Комисијата за односи со верските заедници и религиозни групи (КОВЗРГ) г. Даријан Сотировски упати телеграма со честитки до Поглаварот на Исламската верска заедница Реис ул Улема хаџи Сулејман ефенди Реџепи до членовите на Ријасетот, до муфтиите и имамите и до сите граѓани, честитај им ја Новата Хиџретска година.

Дозволете ми Вам лично и на членовите на Ријасетот, муфтиите, имамите и на сите верници од исламска вероисповед, да Ви упатам срдечни честитки по повод Новата Хиџретска година.

Преселбата на божјиот пратеник Мухамед од Мека во Медина (Хиџра) е настан кој бил и останува да биде од големо значење во животот на муслиманските верници. Настан кој воедно го одбележа и почетокот на новата година во Исламот. Нека Ви е среќна Новата Хиџретска година посакувајќи Ви благодат и многу здравје.