Директорот на КОВЗРГ г-дин Даријан Сотировски упати телеграма со честитки до Поглаварот на Исламската верска заедница Реис ул Улема хаџи хфз. Шаќир ефенди Фетаи, до членовите на Ријасетот, до Муфтиствата и до сите верниците од исламска вероисповед по повод празникот Рамазан Бајрам.

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски упати телеграма со честитки до Поглаварот на Исламската верска заедница Реис ул Улема хаџи хфз. Шаќир ефенди Фетаи, до членовите на Ријасетот, до Муфтиствата и до сите верниците од исламска вероисповед, честитајќи им го празникот Рамазан Бајрам.

Секоја духовна жртва носи плодови на духовно растење и созревање. Месецот Рамазан е токму таков период во кој верникот духовно расте и созрева, откажувајќи се доброволно од изобилството, дарувајќи им на оние кои немаат, враќајќи се во кругот на семејството каде човекот ја осознава својата вистинска природа и вредност.

Денес кога го празнувате големиот празник Рамазан Бајрам сакам од свое лично име и од името на Комисијата за односи со верските заедници и религиозните групи да Ви упатам искрени честитки и желби за мир, благосостојба и радост во секој дом кој денес празнува.

Со почит,

                                                         Директор

                                                              м-р Даријан Сотировски