Директорот на КОВЗРГ г-дин Даријан Сотировски упати телеграма со честитки до свештенството и верниците на Католичката црква по повод празникот Раѓање Христово (Божиќ)

Директорот на КОВЗРГ г-дин Даријан Сотировски упати телеграма со честитки до Бискупот Скопски и Епарх Струмичко-Скопски Монс. Д-р Киро Стојанов, свештенството и монаштвото на Католичката црква во Македонија, како и до граѓаните од католичка вероисповед и до сите христијани кои празнуваат по грегоријанскиот календар, честитајќи им го празникот Раѓање Христово (Божиќ).

Дозволете во овие возвишени празнични моменти од името на македонските граѓани и од свое име да Ви ги пренесам искрените честитки по повод Христовото Рождество - Божиќ.

„Љубовта не се гордее, не се превознесува, таа сѐ трпи, на сѐ се надева, сѐ простува“, вели Апостолот Павле. Токму оваа љубов како најголема христијанска доблест нека Ве следи и за време на овој голем христијански празник, дарувајќи Ви радост и мир во срцата!

Христос се роди!