Директорот на КОВЗРГ, г-дин Даријан Сотировски по повод празникот Велигден упати телеграма со честитки до Бискупот Скопски и Епарх Струмичко-скопски монс. д-р Киро Стојанов, до свештенството и монаштвото и до верниците на Католичката црква.

Директорот на  Комисијата за односи со верските заедници и религиозни групи (КОВЗРГ), г-дин Даријан Сотировски упати телеграма со честитки до Неговото превозвишенство Бискупот Скопски и Епарх Струмичко-скопски монс. д-р Киро Стојанов, до свештенството и монаштвото и до верниците на Католичката црква,  честитајќи им го празникот Воскресение Христово - Велигден.

Ваше Превозвишенство,

Дозволете ми по повод најголемиот христијански празник Христовото Воскресение – Велигден, Вам, на целото католичко свештенство, како и на сите граѓани кои го празнуваат овој празник по Грегоријанскиот календар да Ви испратам срдечни честитки со желби за добро здравје, мир и радост.

Духот на Велигденскиот празник, во ова тешко време полно со искушенија, нека биде инспирација и можност за враќање на вистинските вредности на животот. Зацврстени во вербата и надежта за подобро утре, да истраеме на патот кон мирот, одговорноста, солидарноста и меѓусебното почитување.

Ви посакувам среќен и благословен Велигден.