Директорот на КОВЗРГ г-дин Даријан Сотировски упати телеграма со честитки до Поглаварот и членовите на САС на МПЦ-ОА, како и до свештенството, монаштвото и до сите верниците по повод црковно-државниот празник.

Директорот на Комисијата за односи со верските заедници и религиозни групи (КОВЗРГ) г-дин Даријан Сотировски упати телеграма со честитки до Архиепископот охридски и македонски и на Јустинијана Прва г. г. Стефан, до членовите на Светиот архијерејски синод на Македонската православна црква - Охридска архиепископија, како и до свештенството, монаштвото и до  верници од православна вероисповед, честитајќи им го празникот Свети Климент Охридски.

Празникот на патронот на нашата Света Македонска православна црква - Охридската архиепископија, Светиот Климент Охридски е многу повеќе од датум во календарот, тоа е Ден на нашата народна црковна заедница, кој ја покажува силната исконска поврзаност на многуте генерации на македонци со духовното и културното наследство на големиот просветител и учител Светиот Климент кој се изнедрил од истата таа заедница. 

Нека е за многу години!