Директорката на КОВЗРГ, г-ѓа Оливера Трајковска испрати телеграма со честитки по повод именденот на Архиепископот Охридски и Македонски и на Јустинијана Прима г. г. Стефан.

Директорката на Комисијата за односи со верските заедници и религиозни групи, г-ѓа Оливера Трајковска испрати телеграма со честитки по повод именденот на Поглаварот на МПЦ-ОА, Неговото блаженство, Архиепископот Охридски и Македонски и на Јустинијана Прима г. г. Стефан.

ТЕЛЕГРАМА СО ЧЕСТИТКИ

Ваше Блаженство,

            Дозволете  ми да Ви го честитам именденот и да Ви посакам долговечност, здравје, мир во душата и љубов во срцето.

            Споменот на првомаченикот и архиѓакон Стефан, кој денеска го празнуваме и чие име Вие го носите е момент на восхит, од една страна кон подвигот на маченикот, од друга страна кон Вашиот личен подвиг.

            Вашето име е отсликување на мудроста и истрајноста со која ги отфрлате камењата кои со лукавост кон Вас се упатени, а Вие со милост одговарате:

- Господи, не сметај им го ова за грев!

            Честит и вековит именден!

            Со почит,                                                                                             

                                                                       Директор

                                                                   Оливера Трајковска