ТЕЛЕГРАМА СО ЧЕСТИТКИ ПО ПОВОД ИМЕНДЕНОТ НА АРХИЕПИСКОПОТ ОХРИДСКИ И МАКЕДОНСКИ Г. Г. СТЕФАН
Директорката на КОВЗРГ, г-ѓа Оливера Трајковска испрати телеграма со честитки по повод именденот на Архиепископот Охридски и Македонски и на Јустинијана Прима г. г. Стефан.
Директорката на Комисијата за односи со верските заедници и религиозни групи, г-ѓа Оливера Трајковска испрати телеграма со честитки по повод именденот на Поглаварот на МПЦ-ОА, Неговото блаженство, Архиепископот Охридски и Македонски и на Јустинијана Прима г. г. Стефан.
ТЕЛЕГРАМА СО ЧЕСТИТКИ
Дозволете ми да Ви го честитам именденот и да Ви посакам долговечност, крепко здравје, небесен мир и љубов во срцето, која го прегрнува сиот свет.
Верата која врши чуда, мудроста и Св.Дух кои архиѓакон Стефан ги носеше во себе, нашле прибежиште во духовниот пастир на македонскиот народ, кој Богомудрено и Боговдахновено и служи на Светата Црква.
Нека Бог ви ги умножува силите, молитвата и благодатта Ваше Блаженство!
На многаја лета, честит и вековит именден!