Директорот на КОВЗРГ, г-дин Даријан Сотировски упати телеграма со сочуство до бискупот на Ктоличката црква во Република Македонија, монисињор д-р Киро Стојанов, по повод смртта на монсињор Антун Циримотиќ

Ваше Превозвишенство, 

Од името на Комисијата за односи со верските заедници и религиозни групи како и од мое лично име, примете искрено и длабоко сочуство по повод смртта на монсињор Антун Циримотиќ, свештеник на Скопската Бискупија.

Монс. Антун Циримотиќ даде значаен придонес во зајакнувањето и афирмацијата на Католичката Црква на нашиве простори и на присуството на нејзините верници во сите полиња на мултиконфесионалниот живот во Македонија. Неговиот одмерен, рационален и секогаш праведен став беше синоним за човекољубие, почитување на другиот, укажувајќи постојано на љубовта кон Бога, како најголема добродетел на верникот и на луѓето воопшто кои живеат заедно во едно мултикултурно општество.

Нека почива во мир.

Со почит,

Директор

м-р Даријан Сотировски