На ден 11. 04. 2025 година во просториите на Интернационалниот балкански универзитет во Скопје, во организација на Исламската верска заедница во Македонија, Бошњачкиот национален Совет и Исламската верска заедница од Босна и Херцеговина; се одржа трибина со наслов " Исламските заедници мостови и чувари на мирот во балканските земји".

Целта на настанот беше поврзување на двете заедници и испраќање порака до сите верници дека мирот е најскапоценото и најсветото нешто. Меѓусебната почит и поддршка треба да бидат постојани и секоја верска заедница да го почитува различниот од себе, градејќи притоа мостови на соживот.

Свои обраќања на настанот имаа: директорката на Комисијата за односи со верски заедници и религиозни групи г - ѓа Оливера Трајковска, Реис Ул Улема еф. Фетаи(поглавар на Исламската верска заедница во Македонија) и Реис Ул Улема Хусеин Кавазовиќ.Сите говорници ставија акцент на важноста на меѓусебната почит, стабилните односи помеѓу верските заедници, игнорирање на потенцијални можности за конфликти и сценарија кои би имале цел да ги нарушат стабилноста и мирот.